Асосий Меню

Махсус бўлимлар

Қўшимча бўлим

Амал мавсуми

Ал-Қобиз, Ал-Босит исмининг маъноси

Бу икки исм суннатун набавийяда келган. Сунанларда, Имом Аҳмаднинг
муснадларида Анас ибн Молик разияллоҳу анҳудан ривоят қилинган
ҳадисда Анас дедилар:

«عَنْ أَنَسِ بْنِ مَالِكٍ قَالَ: غَلَا السِّعْرُ عَلَى عَهْدِ
رَسُولِ اللهِ صَلَّى اللهُ عَلَيْهِ وَسَلَّمَ، فَقَالُوا: يَا
رَسُولَ اللهِ لَوْ سَعَّرْتَ. فَقَالَ: “إِنَّ اللهَ هُوَ
الْخَالِقُ الْقَابِضُ، الْبَاسِطُ الرَّازِقُ، الْمُسَعِّرُ،
وَإِنِّي لَأَرْجُو أَنْ أَلْقَى اللهَ وَلَا يَطْلُبُنِي أَحَدٌ
بِمَظْلَمَةٍ ظَلَمْتُهَا إِيَّاهُ فِي دَمٍ وَلَا مَالٍ»

Расулуллоҳ соллаллоҳу алайҳи ва саллам даврларида нарх кўтарилиб
кетди, шунда асҳоблар дедилар: Эй Расулуллоҳ, нарх қўйиб берсангиз
эди. У зот дедилар: “Аллоҳ яратувчидир, ризқларни торайтувчи
ва кенгайтирувчидир, Раззоқдир, нархларни белгиловчидир. Мен
Аллоҳ таолога бирон киши мендан на қонда ва на молда унга қилиб
қўйган бирорта зулмни талаб қилмаган ҳолатда Аллоҳга йўлиқишни
умид қиламан”
. Боситнинг маъноси: бандаларнинг манфаатига
қараб бандалардан хоҳлаганининг ризқини кенгайтириб қўядиган,
Қобиз эса бандалардан хоҳлаганларини ризқини торайтириб ёки
ризқидан маҳрум қилиб қўювчи деганидир. Аллоҳ таоло деди:

«وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي
الْأَرْضِ وَلَكِنْ يُنَزِّلُ بِقَدَرٍ مَا يَشَاءُ»

“Агар Аллоҳ таоло бандаларига ризқни кенг қилиб қўядиган
бўлса, улар Ер юзида ҳаддан ошадилар ва лекин Аллоҳ ўзи хоҳлаган
миқдорда ризқларни туширади”
. Қобз дегани ризқни торайтириш
дегани, баст дегани ризқни кенгайтириш ва кўпайтириш дегани.
Буларнинг ҳаммаси Аллоҳ азза ва жалланинг қўлидадир. У
торайтирувчи, кенгайтирувчи, туширувчи, кўтарувчи, берувчи, ман
қилувчи, азиз қилувчи, хор қилувчи, бу ишларда Унинг биронта
шериги йўқдир.

Китобу суннатда кўплаб оят ва ҳадисларда кенгайтириш ва
торайтириш Аллоҳ азза ва жаллага изофа қилинган ҳолатда зикр
қилинган. Аллоҳ таоло деди:

 “اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ
وَيَقْدِرُ لَهُ”

“Аллоҳ хоҳлаган бандаси учун ризқни кенгайтириб қўяди ва
торайтириб қўяди”
. Аллоҳ бошқа бир оятда деди:

“إِنَّ رَبَّكَ يَبْسُطُ الرِّزْقَ لِمَنْ يَشَاءُ وَيَقْدِرُ
إِنَّهُ كَانَ بِعِبَادِهِ خَبِيرًا بَصِيرًا”

“Албатта Раббингиз хоҳлаган бандаси учун ризқни кенгайтириб
қўяди ва хоҳлагани учун торайтириб қўяди. У бандаларнинг ҳолидан
хабардор ва уларни кўриб турувчи зотдир”
. Мана шу далиллар
ва унга ўхшаш бошқа далиллар, торайтириш ва кенгайтиришнинг
ҳаммаси Аллоҳ табарока ва таолонинг қўлида экани, Унинг
тасарруфоти ва тадбирида экани, У хоҳлаган бандаси учун унинг
молини, офиятини, умрни, илмини ва ҳаётини кенг қилиб қўйиши ва
хоҳлаган бандасига тор қилиб қўйишига далолат қилмоқда. Ул зот ҳар
бир қилаётган ишида Ҳаким ва хабардор зотдир.

Эй Аллоҳ бизга барокатларинг, раҳматинг, фазли-марҳаматинг ва
ризқингни кенг қилгин.

Сиз учун танладик

Шайх Абдулвалий Қори “Душанба кунлик дарслар” силсиласи

Андижон жоме мадраса-масжидининг имом хатиби устоз Абдулвалий қори. № Дарснинг номи Нусха олиш 1 Ихлос RM MP3 2 Аллоҳ йўлида...
Read More

Омонат (2)

Инсоннинг ўзи ва ўзгалар ўртасидаги нарсалардаги омонат Бу омонат хоҳ мол хоҳ бошқа нарса бўлсин инсонларнинг сизга топширган нарсаларини ва...
Read More

Омонат

Абдуллоҳ ибн Абдурраҳмон ал-Жибрин
Аллоҳ субҳанаҳу ва таолога ҳамду санолар айтамиз, ундан бизни мағфират қилишини сўраймиз. Гувоҳлик бераманки Аллоҳдан ўзга илоҳ йўқ, У ёлғиз ва шериксиз зотдир. Муҳаммад соллаллоҳу алайҳи ва саллам унинг қули ва элчисидир. У кишига, аҳли ва асҳобларига Аллоҳнинг раҳмати ва саломи бўлсин.

Аммо баъд:

Албатта омонат ҳақида сўзлаш катта аҳамиятга эга. Чунки у бир томондан Аллоҳ ва банда ўртасидаги нарсага, иккинчи томондан банда билан банда ўртасидаги нарсага алоқадор. Мазкур омонатни адо этишда бандага мадад берадиган сабабларни баён этамиз.
Read More

ҲИЖОБ НИМА УЧУН КЕРАК?

ҲИЖОБ НИМА УЧУН КЕРАК? بِسْمِ اللهِ الرَّحْمنِ الرَّحِيمِ СЎЗ БОШИ Барча оламларнинг ҳукмдори, меҳрибон ва раҳмли, қиёмат кунининг подшоҳи бўлмиш...
Read More

Кутубус-ситта Олти китоб


Алхамду лиллах вассолату вассаламу ала росулиллах.

Кутубус-ситта муаллифлари куйидаги зотлар:


Имом Бухорий (194-256 хижрий)
Имом Муслим (204-261 хижрий)
Имом Абу Довуд (202-275 хижрий)
Имом Тирмизий (209-279 хижрий)
Имом Насоий (215-300 хижрий)
Имом Ибн Можа (209-273 хижрий)



Уларнинг хар бирини сизга кискача килиб таништириб ўтсам:

1. Имом Бухорий.

У зот Абу Абдуллох Мухаммад ибн Исмоил ибн Иброхим ибн Мугийра ибн Бардизба Жуъфий Бухорийдир.

Имом Бухорийнинг катта бобоси Мугийра Бухоронинг волийси Ямон Жуъфийнинг кўлида исломга кирган шунинг учун Жуъфий деб нисбат берилган (буни вилоят, мавло дейилади).

Имом Бухорий хижрий 194 - йилда Бухоро шахрида тугилди. Етим бўлиб ўсдилар.
Read More

Аҳли суннага мактуб (давоми)

Шайх Сафар ибн Абдурраҳмон Ҳаволий
Абдуллоҳ Шариф таржимаси
Абу Закария ал-Маданий таҳрири
(Давоми)

3)Улар ўзгармас бирламчи аҳкомларни ва умумий қоидаларни иккинчи даражали (тасодифий) ҳукмлар ва муайян воқеалар сабабли бекор қилиб юбормайдилар. Қуръон оятлари ва саҳиҳ ҳадислар ила собит бўлган умумий қоидалардан бири, мусулмонларнинг иттифоқ бўлиши вожиблигидир. Бидъатчи ёки фосиқдан юз ўгириш эса иккинчи даражали (тасодифий) аҳкомлардан ҳисобланади. Бироқ, юз ўгириш фойда қилмаслиги маълум бўлса, бунга амал қилинмайди. Демак бу ўзгарувчан ва турли ижтиҳодларни қабул қила оладиган масаладир.
4)Ким улар каби намоз ўқиса, қиблаларига юзланса ва сўйган гўштларидан еса, у ўшалардандир.
Read More

Аллоҳ ризқ берувчи зот

Хулоса Аллоҳнинг борлигига иймон келтириш инсон табиатига ўрнатиб қўйилган, унинг ич-ичидан жўшиб чиқадиган туйғудир. Мусулмон киши ўзидаги шу табиий иймонни...
Read More

Аҳли суннага мактуб

Шайх Сафар ибн Абдурраҳмон Ҳаволий Абдуллоҳ Шариф таржимаси Абу Закария ал-Маданий тасҳиҳи ва таҳрири بسم الله الرحمن الرحيم Сафар ибн...
Read More

Даҳрийлик (атеизм) хатари ва даҳрийларга эслатма

"Илҳод" – "даҳрийлик" хатари ва даҳрийларга эслатма ҳақидаги бўлим[1] Аллоҳдан тавфиқ сўраган ҳолда айтаман: Арабча "илҳод" сўзи "оғиш" маъносида бўлиб,...
Read More

Даъватчига оид савол-жавоблар

Барча мақтовлар Аллоҳгагина хос, У зотни мақтаймиз, Ундан мадад сўраймиз, Унга истиғфор айтамиз, Аллоҳдан нафсларимиз ва амалларимиз ёмонлигидан паноҳ тилаймиз....
Read More

Аёллар учун махсус дарслар

Энг кўп кўрилган

Янги китоблар

Саҳифамизда нашр этилаётган барча нарсалардан шахсий фойдаланиш учун руҳсат этилади. Саҳифамиз материалларидан фойдаланилган ўринларда www.islomnuri.org дан олинди деб кўрсатилиши, мустасно ўринларда бизга маълум қилиниши шарт. Материаллардан Аллоҳ йўлида фойдаланиш учун ҳуқуқлар чекланмаган. Тижорат учун фойдаланиш мумкин эмас.